Afrikaans-1933/43/4

Toe die Here dan verneem dat die Fariseërs gehoor het dat Jesus meer disiepels maak en doop as Johannes- 
alhoewel Jesus self nie gedoop het nie, maar sy disiepels-
het Hy Judéa verlaat en weer na Galiléa gegaan.
En Hy moes deur Samaría gaan.
Hy kom toe by 'n stad van Samaría wat Sígar genoem word, naby die stuk grond wat Jakob aan sy seun Josef gegee het.
En die fontein van Jakob was daar. Jesus het toe, omdat Hy moeg was van die reis, somar by die fontein gaan sit. Dit was omtrent twaalfuur.
Daar kom 'n vrou uit Samaría om water te skep. Jesus sê vir haar: Gee vir my water om te drink-
want sy disiepels het na die stad gegaan om voedsel te koop.
En die Samritaanse vrou sê vir Hom: Hoe is dit sat U wat 'n Jood is, van my vra om te drink terwyl ek 'n Samaritaanse vrou is? Want die Jode hou geen gemeenskap met die Samaritane nie.
Jesus antwoord en sê vir haar: As jy die gawe van God geken het en wis wie Hy is wat vir jou sê: Gee vir My water om te drink, sou jy Hom gevra het en Hy sou vir jou lewende water gegee het.
Die vrou sê vir Hom: Here, U het nie eens 'n skepding nie, en die put is diep; waarvandaan kry U dan die lewende water?
U is tog nie groter as ons vader Jakob nie wat vir ons die put gegee het en self daaruit gedrink het en sy seuns en sy vee?
Jesus antwoord en sê vir haar: Elkeen wat van hierdie water drink, sal weer dors kry;
maar elkeen wat drink van die water wat Ek hom sal gee, sal in ewigheid nooit dors kry nie, maar die water wat Ek hom sal gee, sal in hom word 'n fontein van water wat opspring tot in die ewige lewe.
Die vrou sê vir Hom: Here, gee my daardie water, sodat ek nie dors kry en hier hoef te kom skep nie.
Jesus sê vir haar: Gaan roep jou man en kom hier.
Die vrou antwoord en sê: Ek het nie 'n man nie. Jesus sê vir haar: Jy het reg gesê: Ek het nie 'n man nie;
want jy het het vyf mans gehad; en die een wat jy nou het, is nie jou man nie. Dit het jy met waarheid gesê.
Die vrou sê vir Hom: Here, ek sien dat U 'n profeet is.
Ons vaders het op hierdie berg aanbid, en julle sê dat die plek waar ons behoort te aanbid, in Jerusalem is.
Jesus sê vir haar: Vrou, glo My daar kom 'n uur wanneer julle nie op hierdie berg en ook nie in Jerusalem die Vader sak aanbid nie.
Julle aanbid wat julle nie weer nie; ons aanbid wat ons weet, want die saligheid is uit die Jode.
Daar kom 'n uur, en dit is nou, wanneer die ware aanbidders die Vader in gees en waarheid sal aanbid; want die Vader soek ook sulke mense wat Hom aanbid.
God is Gees; en die wat Hom aanbid, moet in gees en waarheid aanbid.
Die vrou sê vir Hom: Ek weet dat die Messías kom- Hy wat Christus genoem word. Wanneer Hy kom, sal Hy ons alles verkondig.
Jesus sê vir haar: Dit is Ek wat met jou spreek!
En op dié oomblik het sy disiepels gekom en hulle verwonder dat Hy met 'n vrou in gesprek was. Tog het niemand gesê: Wat verlang U nie? of: Waarom spreek U met haar nie?
Die vrou het toe haar waterkan laat staan en na die stad gegaan en vir die mense gesê:
Kom kyk 'n man wat my vertel het alles wat ek gedoen het, Is Hy nie miskien die Christus nie?
Hulle het toe uit die stad gegaan en na Hom gekom.
En intussen het sy disiepels Hom dringend gevra en gesê: Rabbi, eet.
Maar Hy sê vir hulle: Ek het voedsel om te eet waar julle nie van weet nie.
Die disiepels sê toe vir mekaar: Het iemand dan vir Hom ete gebring?
Jesus sê vir hulle: My voedsel is om die wil te doen van Hom wat My gestuur het en sy werk te volbring.
Sê julle nie: Dit is nog vier maande, dan kom die oes nie? Kyk, Ek sê vir julle, slaan julle oë op en aanskou die lande dat hulle al wit is vir die oes.
En hy wat maai, ontvang loon en vergader vrug vir die ewige lewe, sodat die saaier en die maaier saam bly kan wees.
Want hierin is die woord waar: Dit is een wat saai, en 'n ander een wat maai.
Ek het julle gestuur om te maai waar julle nie aan gewerk het nie. Ander het gewerk, en julle het in hulle arbeid ingegaan.
En baie van die Samaritane uit daardie stad het in Hom geglo oor die woord van die vrou wat getuig het: Hy het my alles vertel wat ek gedoen het.
Toe die Samaritane dan by Hom kom, vra hulle Hom dringend om by hulle te bly; en Hy het daar twee dae gebly.
En baie meer het op grond van sy woord geglo
en vir die vrou gesê: Ons glo nie meer op grond van wat hy gesê het nie, want ons het self gehoor en ons het weet dat Hy waarlik die Christus, die Verlosser van die wêreld, is.
En ná die twee dae het Hy daarvandaan weggegaan en na Galiléa vertrek.
Want Jesus self het getuig dat 'n profeet in sy eie vaderland nie eer het nie.
Toe Hy dan in Galiléa kom, het die Galiléërs Hom ontvang, omdat hulle alles gesien het wat Hy in Jerusalem op die fees gedoen het; want hulle het ook na die fees gegaan.
Jesus het dan weer gekom op Kana in Galiléa waat Hy die water wyn hemaak het. En daar was 'n sekere koninklike beampte wie se seun in Kapérnaum siek was.
Toe hy hoor dat Jesus uit Judéa in Galiléa gekom het, gaan hy na Hom en vra Hom om af te kom en sy seun gesond te maak, want hy het op sterwe gelê.
Jesus sê toe vir hom: As hulle nie tekens en wonders sien nie, sal julle nooit glo nie.
Die koninklike beampte sê vir Hom: Here, kom af voordat my king sterwe.
Jesus antwoord hom: Gaan, jou seun lewe! En die man het die woord geglo wat Jesus vir hom gesê het, en ny het gegaan.
En alreeds terwyl hy op pad was huis toe, kom sy skawe hom tegemoet en bring die berig en sê: U kind lewe!
Hy verneem toe van hulle die uur waarop hy beter geword het. En hulle sê vir hom vir hom: Gister om eenuur het die koors verlaat.
Die vader merk toe dat dit op daardie uur was waarop Jesus vir hom gesê het: Jou kind lewe! En hy self geglo en sy eie huis.
Hierdie twede teken weer het Jesus gedoen toe Hy uit Judéa in Galiléa gekom het.