Voeg by Psalms 50:1-23

19/50

@@ -0,0 +1,23 @@
+ʼn Psalm van Asaf. God, ja God, die HERE spreek en roep die aarde, van die opgang van die son af tot sy ondergang toe.
+Uit Sion, die volkomenheid van skoonheid, verskyn God in ligglans.
+Onse God kom en kan nie swyg nie. Vuur verteer voor sy aangesig, en rondom Hom storm dit geweldig.
+Hy roep na die hemel daarbo en na die aarde om sy volk te oordeel.
+Versamel my gunsgenote vir My, hulle wat my verbond by die offer maak!
+En - die hemele verkondig sy geregtigheid, want God staan gereed om te oordeel! Sela.
+Hoor, my volk, dat Ek kan spreek; Israel, dat Ek dit jou kan inskerp: Ek is God, jou God!
+Oor jou offers bestraf Ek jou nie, en jou brandoffers is altyddeur voor My.
+Ek hoef uit jou huis geen stier te neem of bokke uit jou krale nie;
+want al die wilde diere van die bos is myne, die vee op duisend berge.
+Ek ken al die voëls van die berge, en die diere van die veld is by My.
+As Ek honger het, sal Ek jou dit nie sê nie; want die wêreld is myne en sy volheid.
+Sou Ek vleis van stiere eet of bloed van bokke drink?
+Offer dank aan God, en betaal jou geloftes aan die Allerhoogste;
+en roep My aam in die dag van benoudheid: Ek sal jou uithelp, en jy moet My eer.
+Maar vir die goddelose sê God: Wat vertel jy nog my insettinge en neem jy my verbond in jou mond -
+terwyl jy die tug haat en my woorde agter jou werp?
+As jy ʼn dief sien, dan geval dit jou by hom, en jou deel is met die egbrekers.
+Jou mond laat jy los in boosheid, en jou tong vleg bedrog.
+Jy sit en praat teen jou broer, die seun van jou moeder beskimp jy.
+Hierdie dinge het jy gedoen, en sou Ek swyg? Jy dink Ek is net soos jy! Ek gaan jou straf en jou dit ordelik voor oë stel.
+Verstaan dit tog, o Godvergeters, sodat Ek nie verskeur sonder dat iemand red nie.
+Die een wat dank offer, eer My; en die een wat op sy weg ag gee - hom sal Ek die heil van God laat geniet.