diff --git a/19/44 b/19/44
new file mode 100644
index 0000000..da91fd2
--- /dev/null
+++ b/19/44
@@ -0,0 +1,17 @@
+Vir die musiekleier. Van die kinders van Korag. ʼn Onderwysing.
+O God, met ons ore het ons dit gehoor, ons vaders het dit ons vertel: ʼn werk het U gedoen in hulle dae, in die dae van die voortyd.
+U self het met u hand nasies verdrywe, maar húlle geplant; U het volke kwaad aangedoen, hulle daarteen laat uitspruit.
+Want hulle het die land nie deur hul swaard in besit geneem nie, en hul arm het hulle nie oorwinning gegee nie; maar u regterhand en u arm en die lig van u aangesig, omdat U ʼn welbehae in hulle gehad het.
+U self is my Koning, o God! Gebied die oorwinninge van Jakob.
+Deur U sal ons ons teëstanders omstoot; in u Naam sal ons hulle vertrap wat teen ons opstaan.
+Want ek vertrou nie op my boog nie, en my swaard sal my die oorwinning nie gee nie.
+maar U het ons verlos van ons teëstanders en ons haters beskaamd gemaak.
+In God roem ons die hele dag, en u Naam sal ons loof tot in ewigheid. Sela.
+En tog het ons verstoot en tot skande gemaak, en U trek nie saam met ons leërs uit nie.
+U laat ons agteruitwyk vir die teëstander, en ons haters plunder na hartelus.
+U gee ons oor soos slagvee, en U het ons onder die nasies verstrooi.
+U verkoop u volk vir niks en het nie baie verdien deur hulle koopprys nie.
+U maak ons ʼn smaad vir ons bure, ʼn spot en beskimping vir die wat rondom ons is.
+U maak ons ʼn spreekwoord onder die nasies, ʼn hoofskudding onder die volke.
+My skande is die hele dag voor my, en die skaamte van my aangesig oordek my;
+weens die stem van die smader en lasteraar, weens die blik van die vyand en wraakgierige.