forked from getBible/Afrikaans-1933
28 lines
2.1 KiB
Plaintext
28 lines
2.1 KiB
Plaintext
En die HERE het Job uit ʼn storm geantwoord en gesê:
|
|
Gord tog jou heupe as ʼn man; Ek sal jou ondervra en onderrig jy My.
|
|
Wil jy werklik my reg verbreek, My veroordeel, dat jy gelyk kan hê?
|
|
Het jy dan ʼn arm soos God? En kan jy donder met die stem soos Hy?
|
|
Versier jou tog met heerlikheid en hoogheid, en beklee jou met majesteit en glorie!
|
|
Giet jou toorn in strome uit; en kyk na alles wat hoog is, en verneder dit.
|
|
Kyk na alles wat hoog is, onderwerp dit; en werp die goddelose neer daar waar hulle staan.
|
|
Begrawe hulle almal saam in die stof; sluit hulle aangesigte in ʼn verborge plek weg.
|
|
Dan sal Ek jou ook loof, omdat jou regterhand jou die oorwinning gee.
|
|
Kyk, daar is die seekoei wat Ek gemaak het saam met jou. Gras eet hy soos ʼn bees.
|
|
Kyk tog, sy krag is in sy kruis, en sy sterkte in die spiere van sy buik.
|
|
Hy hou sy stert reguit soos ʼn seder; die senings van sy dye is inmekaar gevleg.
|
|
Sy gebeente is pype van koper, sy bene soos stawe van yster.
|
|
Hy is die eersteling van die weë van God; Hy wat hom gemaak het, het hom sy swaard verskaf.
|
|
Want die berge lewer vir hom voer, en al die wilde diere van die veld speel daar.
|
|
Onder is lotusbome lê hy, in ʼn skuilplek van riet en moeras.
|
|
Lotusbome oordek hom as sy skaduwee, die rivierwilgers omring hom.
|
|
As die rivier swel - hy word nie verskrik nie; hy voel gerus, ook al bruis ʼn Jordaan teen sy mond.
|
|
Sal ʼn mens hom gryp terwyl hy jou aankyk, met harpoene sy neus deurboor?
|
|
Kan jy die krokodil met ʼn hoek uittrek? En met ʼn tou sy tong afdruk?
|
|
Kan jy ʼn tou van biesies in sy neus sit? En sy kakebeen met ʼn haak deurboor?
|
|
Sal hy jou baie smeek? Of met jou spreek in sagte woorde?
|
|
Sal hy ʼn verbond met jou maak, dat jy hom vir altyd as slaaf aanneem?
|
|
Sal jy met hom soos met ʼn voëltjie speel? En hom vasbind vir jou meisiekinders?
|
|
Sal die viskopers met hom handel drywe, hom verdeel onder die koopmans?
|
|
Kan jy sy vel vol skerp ysters steek, en met ʼn vissers-harpoen sy kop?
|
|
Sit jou hand op hom; dink aan die geveg; jy sal dit nie weer doen nie.
|
|
Kyk, elke hoop kom bedroë uit: sal ʼn mens nie reeds by die sien van hom neerslaan nie? |