forked from getBible/Afrikaans-1933
14 lines
1.2 KiB
Plaintext
14 lines
1.2 KiB
Plaintext
Vir die musiekleier. ʼn Psalm van David, die kneg van die Here.
|
|
In die binneste van my hart sê die oortreding aangaande die goddelose: Daar is geen vrees van God voor sy oë nie.
|
|
Want dit vlei hom in sy oë dat hy sy haatlike, sondige doel wel sal bereik.
|
|
Die woorde van sy mond is onreg en bedrog; hy laat ná om verstandig te wees, om goed te doen.
|
|
Hy bedink onreg op sy bed; hy gaan staan op ʼn weg wat nie goed is nie; wat sleg is, verfoei hy nie.
|
|
o HERE, u goedertierenheid is tot in die hemele, u trou tot in die wolke.
|
|
U geregtigheid is soos die berge van God; u oordele is ʼn groot watervloed. HERE, u behou mense en diere!
|
|
Hoe kosbaar is u goedertierenheid, o God! Daarom skuil die mensekinders onder die skaduwees van u vleuels.
|
|
Hulle verkwik hul aan die vettigheid van u huis, en U laat hulle drink uit die stroom van u genietinge.
|
|
Want by U is die fontein van die lewe; in u lig sien ons die lig.
|
|
Laat u goedertierenheid voortduur vir die wat U ken en u geregtigheid vir die opregtes van hart.
|
|
Laat die voet van die trotsaard nie oor my kom nie, en laat die hand van die goddelose mense my nie verdryf nie.
|
|
Daar het die werkers van die ongeregtigheid geval; hulle is neergestoot en kan nie weer opstaan nie.
|