diff --git a/19/34 b/19/34
new file mode 100644
index 0000000..b3cf654
--- /dev/null
+++ b/19/34
@@ -0,0 +1,23 @@
+ʼn Psalm van David, toe hy hom kranksinnig gehou het voor Abiméleg en die het hom weggejaag het, sodat hy heengegaan het.
+Alef. Ek wil die HERE altyd loof; sy lof sal altyddeur in my mond wees.
+Bet. My siel sal hom beroem in die HERE; die sagmoediges sal dit hoor en bly wees.
+Gimel. Maak die HERE saam met my groot, en laat ons same in sy Naam verhoog!
+Dalet. Ek het die HERE gesoek, en Hy het my geantwoord en my uit al my vrees gered.
+He. Hulle het op Hom gesien en gestraal van vreugde, en hulle aangesig hoef nie rooi van skaamte te word nie.
+Sajin. Hierdie ellendige het geroep en die HERE het gehoor, en hy het hom uit al sy benoudhede verlos.
+Get. Die Engel van die HERE trek ʼn laer rondom die wat Hom vrees, en red hulle uit.
+Tet. Smaak en sien dat die HERE goed is; welgeluksalig is die man wat by hom skuil!
+Jod. Vrees die HERE, o sy heiliges, want die wat Hom vrees, het geen gebrek nie.
+Kaf. Die jong leeusly aremoede en het honger; maar die wat die HERE soek, het geen gebrek aan enige goed nie.
+Lamed. Kom, kinders, luister na my; ek wil julle die vrees van die HERE leer.
+Mem. Wie is die man wat lus het in die lewe, wat dae liefhet om die goeie te sien?
+Noen. Bewaar jou tong vir wat verkeerd is, en jou lippe dat hulle nie bedrog spreek nie.
+Samek. Wyk af van wat verkeerd is; soek die vrede en jaag dit na.
+Ajin. Die oë van die HERE is op die regverdiges en sy ore tot hulle hulpgeroep.
+Pe. Die aangesig van die HERE is teen die kwaaddoeners, om hulle gedagtenis van die aarde uit te roei.
+Sade. Hulle roep en die HERE hoor, en Hy red hulle uit al hul benoudhede.
+Kof. Die HERE is naby die wat gebroke is van hart en Hy verlos die wat verslae is van gees.
+Resj. Menigvuldig is die teëspoede van die regverdige, maar uit dié almal red die HERE hom.
+Sjin. Hy bewaar al sy bene: nie een daarvan word gebreek nie.
+Tau. Die onheil maak die goddelose dood; en die wat die regverdige haat, moet daarvoor boet.
+Die HERE verlos die siel van sy knegte; en almal wat by hom skuil, hoef nie te boet nie.