diff --git a/19/30 b/19/30
new file mode 100644
index 0000000..0622d31
--- /dev/null
+++ b/19/30
@@ -0,0 +1,13 @@
+ʼn Psalm, ʼn leid by die inwyding van die Huis. Van Dawid.
+Ek sal U verhoog, HERE, want U het my gered en my vyande oor my nie laat bly wees nie.
+HERE, my God, ek het U aangeroep om hulp, en U het my gesond gemaak.
+HERE, U het my siel uit die doderyk laat opkom; U het my lewendig gemaak uit die wat in die kuil neerdaal.
+Psalmsing die HERE, o sy gunsgenote, en loof sy heilige gedagtenis;
+want ʼn oomblik is daar in sy toorn, ʼn lewe in sy goedgunstigheid; saans vernag die geween, maar smôrens is daar gejuig.
+Ek het wel gesê in my sorgloosheid: Ek sal vir ewig nie wankel nie.
+HERE, U het my berg deur u welbehae sterk laat staan. U het u aangesig verberg - ek het versrkik geword!
+Ek het U aangeroep, HERE, en ek het die Here gesmeek.
+Watter voordeel is daar in my bloed as ek neerdaal in die kuil? Sal die stof U loof? sal dit u trou verkondig?
+Hoor, HERE, en wees my genadig! HERE, wees my ʼn helper!
+U het my weeklag vir my verander in ʼn koordans, U het my roukleed losgemaak en my met verugde omgord;
+sodat my eer U kan psalmsing en nie swyg nie. HERE, my God, vir ewig sal ek U loof.