Afrikaans-1933/3/8

Verder het die HERE met Moses gespreek en gesê:
Neem Aäron en sy seuns saam met hom, en die klere en die salf-olie en die sonofferbul en die twee ramme en die mandjie met ongesuurde koeke,
en versamel die hele vergadering by die ingang van die tent van samekoms.
En Moses het gedoen soos die HERE hom beveel het, en die vergadering het bymekaargekom by die ingang van die tent van samekoms.
To sê Moses vir die veragdering: Dit is die saak wat die HERE beveel het om te doen.
En Moses het Aäron en sy seuns laat naderkom en hulle met water gewas.
Daarop het hy hom met die rok aangetrek en met die gordel gegord en hom die mantel aangetrek; ook het hy hom die skouerkleed aangetrek en hom gegord met die band van die skouerkleed en daarmee hom die skouerkleed omgebind.
Verder het hy hom die borstas aangeheg en in die borstas die Urim en Tummim gesit.
En hy het die tulband aan sy hoof gesit en aan die tulband, aan die voorkant, die goue plaat, die heilige kroon bevestig, soos die HERE Moses beveel het.
Toe het Moses die salf-olie geneem en die tabernakel en alles wat daarin was, gesalf en dit geheilig.
En hy het daarvan sewemaal op die altaar gesprinkel en die altaar gesalf en al sy gereedskap, met die waskom en sy voetstuk om dit te heilig.
Daarna het hy van die salf-olie op die hoof van Aäron gegiet en hom gesalf om hom te heilig.
Ook het Moses die seuns van Aäron laat naderkom en hulle die rokke aangetrek en hulle gegord met 'n gordel en hulle die musse omgebind, soos die HERE Moses beveel het.
Daarop het hy die sondofferbul laat aankom, en Aäron en sy seuns het hulle hande op die kop van die sondofferbul gelê.
En Moses het dit geslag en die bloed geneem en daarvan rondom aan die horings van die altaar gestryk en die altaar ontsondig; maar die orige bloed het hy het hy aan die onderkant van die altaar uitgegooi. So het hy dit dan geheilig deur daar versoening te doen.
Verder het hy al die vet wat aan die binnegoed was en die lap aan die lewer en die twee neireen hulle vet geneem, en Moses het dit op die altaar aan die brand gesteek.
Maar die bul met sy vel en sy vleis en sy mis het hy buitekant die laer mer vuur verbrand, soos die HERE Moses beveel het.
Daarop het hy die brandoffer ram laat aankom, en Aäron eb sy seuns het hulle hande op die kop van die ram gelê.
En Moses het dit geslag en die bloed rondom teen die altaar uitgegooi.
Hy het ook die ram in sy stukke verdeel, en Moses het die kop en die stukke en die vet aan die brand gesteek;
Maar die binnegoed en die pote het hy met water gewas, en Moses het die hele ram op die altaar aan die brand gesteek; dit was 'n brandoffer as lieflike geur, 'n vuuroffer was dit aan die HERE, soos die HERE Moses beveel het.
Daarop het hy die ander ram, die wydingsram laat aankom; en Aäron met sy seuns het hulle hande op die kop van die ram gelê.
En Moses het dit geslag en van die bloed geneem en dit aan die regter-oorlap van Aäron en aan die duim van sy regterhand en aan die groottoon van sy regtervoet gestryk.
Moses het ook die seuns van Aäron laat naderkom en van die bloed aan hulle regter-oorlap en aand ie duim van hulle regterhand en aan die groottoon van hulle regtervoet gestryk; daarna het Moses die orige bloed rondom teen die altaar uitgegooi.
En hy het die vet geneem met die vetstert en al die vet wat aan die binnegoed was, en die lap aan die lewer en die twee niere en hulle vet en die regterbout.
Ook het hy met die mandjie met ongesuurde koeke wat voor die aangesig van die HERE was, een ongesuurde koek geneemen een oliebrood-koek en een platkoek; en hy het dit op die stukke vet en op die regterbout neergesit.
en dit alles op die hande van Aäron en die hande van sy seuns neergelê; en hy het dit as beweegoffer voor die aangesig van die HERE beweeg. 
Daarop het Moses dit uit hulle hande geneem en dit op die altaar, bo-op die brandoffer, aan die brand gesteek; 'n wydingsoffer was dit as lieflike geur, 'n vuuroffer aan die HERE.
Verder het Moses die bors gevat en as beweegoffer voor die aangesig van die HERE beweeg; van die wydingsram het dit as deel aan Moses toegekom soos die HERE Moses beveel het.
Moses het ook die salf-olie en van die bloed wat aan die altaar was, geneem en dit op Aäron, op sy klere, sowel as op sy seuns en op die klere van sy seuns gesprinkel. So het hy dan Aäron, sy klere, sowel as sy seuns en die klere van sy seuns geheilig.
Toe sê Moses vir Aäron en sy seuns: Kook die vleis by die ingang van die tent van samekoms en eet dit daar met die brood wat in die wydingsmanjie is, soos ek beveel en gesê het: Aäron en sy seuns moet dit eet.
Maar wat van die vleis en di ebrood oorbly, moet julle met vuur verbrand.
Ook mag julle sewe dae lank nie by die ingang vna die tent van samekoms uitgaan nie tot op die dag dat die dae van julle wyding verby is; want sewe moet julle wyding duur.
Soos vandag gedeon is, het die HERE beveel om verder te doen, om vir julle versoening te bewerk.
Julle meot dan by die ingang van die tent van samekoms bly, dag en nag, sewe dae lank; en julle moet di eordening van die HERE hou, dat julle nie sterwe nie; want so is aan my bevel gegee.
En Aäron en sy seuns het al die dinge gedoen wat die HERE deur Moses beveel het.