19/51

@@ -0,0 +1,21 @@
+Vir die musiekleier. ʼn Psalm van Dawid,
+toe die profeet Natan na hom gekom het, nadat hy by Bátseba ingegaan het.
+Wees my genadig, o God, na u goedertierenheid; delg my oortredinge uit na die grootheid van u barmhartighede.
+Was my heeltemal van my ongeregtigheid en reinig my van my sonde.
+Want ék ken my oortredinge, en my sonde is altyddeur voor my.
+Teen U alleen het ek gesondig en gedoen wat verkeerd is in u oë, sodat U regverdig kan wees as U spreek, rein as U gerig hou.
+Kyk, in ongeregtigheid is ek gebore, en in sonde het my moeder my ontvang.
+Kyk, U het ʼn welgevalle aan waarheid in die binneste, en in die verborgene maak U wysheid aan my bekend.
+Ontsondig my met hisop, dat ek kan rein wees; was my, dat ek witter kan wees as sneeu.
+Laat my vreugde en blydskap hoor; laat die gebeente juig wat U verbrysel het.
+Verberg u aangesig vir my sondes en delg uit al my ongeregtighede.
+Skep vir my rein hart, o God, en gee opnuut in die binneste van my ʼn vaste gees.
+Verwerp my nie van u aangesig nie en neem u Heilige Gees nie van my weg nie.
+Gee my weer die vreugde van u heil, en ondersteun my deur ʼn gees van vrymoedigheid.
+Ek wil die oortreders u weë leer, dat die sondaars hulle tot U kan bekeer.
+Red my van bloedskuld, o God, God van my heil! Laat my tong u geregtigheid uitjuibel.
+Here, open my lippe, dat my mond u lof kan verkondig.
+Want U het geen lus in slagoffer nie, anders sou ek dit gee; in die brandoffer het U geen behae nie.
+Die offers van God is ʼn gebroke gees; ʼn gebroke en verslae hart sal U, o God, nie verag nie!
+Doen goed aan Sion na welbehae; bou die mure van Jerusalem op.
+Dan sal U ʼn welbehae hê in die offers van geregtigheid, in brandoffer en voloffer; dan sal hul stiere offer op u altaar.