19 lines
1.7 KiB
Plaintext
19 lines
1.7 KiB
Plaintext
o HERE, waarom staan U so ver weg en hou U verborge in tye van benoudheid?
|
|
In sy trotsheid vervolg die goddelose die ellendige. Laat hulle gegryp word in die lustige planne wat hulle uitgedink het!
|
|
Want die goddelose juig oor die begeerte van van sy siel; en hy seën hom wat onregverdige wins maak, hy verag die HERE.
|
|
Die goddelose, met sy neus in die hoogte, ondersoek glad nie: daar is geen God nie, dit is al sy gedagtes!
|
|
Sy weë is altyd voorspoedig; hoog daarbo is u gerigte, weg van hom af; al sy teëstanders - hy blaas op hulle.
|
|
Hy sê in sy hart: Ek sal nie wankel nie; van geslag tot geslag is ek die een wat nie in die ongeluk sal wees nie.
|
|
Sy mond is vol van vloek en van bedrog en verdrukking; onder sy tog is moeite en onreg.
|
|
Hy sit in die hinderlae by die dorpe; in skuilplekke maak hy die onskuldige dood; sy oë loer op die ongelukkige.
|
|
Hy loer in die skuilhoek soos ʼn leeu in sy lêplek; hy vang die ellendige deur sy net toe te trek;
|
|
hy verbrysel hom. Hy duik weg, en die ongelukkiges val in sy mag.
|
|
Hy sê in sy hart: God vergeet dit; Hy verberg sy aangesig; Hy sien dit vir ewig nie.
|
|
Staan op, HERE! o God, hef u hand op; vergeet die ellendiges nie!
|
|
Die goddelose, waarom verag hy God en sê in sy hart: U soek dit nie?
|
|
U het dit gesien; want U aanskou die moete en verdriet, sodat ʼn mens dit in u hand sal gee. Aan u gee die ongelukige dit oor; Ú was ʼn helper van die wees.
|
|
Verbreek die arm van die goddelose en slegte; soek sy goddeloosheid totdat U niks vind nie!
|
|
Die HERE is koning vir ewig en altyd; die heidene het vergaan uit sy land.
|
|
HERE, U het die begeertes van die sagmoediges gehoor; U sal hulle hart versterk, u oor sal luister
|
|
om aan die wees en verdrukte reg te doen. Geen mens uit die aarde sal langer voortgaan om skrik aan te jaag nie.
|