Eunice/Afrikaans-1933
1
3
Fork 0
forked from getBible/Afrikaans-1933
Code Issues Pull Requests Projects Releases Wiki Activity

Voeg by Exodus 27

Browse Source
This commit is contained in:
Eunice van der Merwe 2021-09-25 18:08:49 +02:00
parent 7764c7ac99
commit 85b54334f3
No known key found for this signature in database
GPG Key ID: 6E9AD19332134AD8
1 changed files with 21 additions and 0 deletions
Show Stats Download Patch File Download Diff File Expand all files Collapse all files

21
2/27 Normal file
View File

@ -0,0 +1,21 @@
Jy moet ook die altaar van akasiahout maak; vyf el moet die lengte wees vyf el en die breedte-vierkantig moet die altaar wees-en drie el sy hoogte.
En jy moet sy horings op die vier hoeke maak; sy horings moet, daarmee saam, uit een stuk wees; en jy moet dit met koper oortrek.
En maak sy potte om die as te verwyder, ook sy skoppe en komme en vurke en vuurpanne. Al dié gereedskap moet jy van koper maak.
Jy moet daar 'n traliewerk aan maak, 'n netwerk van koper, en aan die net vier koperringe maak, aan die vier hoeke.
En jy moet dit onder die lys van die altaar sit, onderaan, sodat die net tot by die helfte van die altaar kom.
En jy moet ook draaghoute ivr die altaar maak, draaghoute van akasiahout; en trek dit oor met koper.
En die draaghoute moet in die ringe gesteek word, sodat die draaghoute aan altwee kante van die altaar is as hulle dit dra.
Jy moet die hol, van planke, maak. Soos hy dit jou op die berg getoon het, so moet hulle dit maak.
Jy moet ook die voohof van die tabernakel maak. Aan die suidekant, na die suide toe, moet daar vir die voorhof behangsels wees van vyn dubbeldraad-linne; honderd el moet die lengte vir die een kant wees;
daarby twintig pilare met hulle twintig kopervoetstukke; die kramme en die ringe van die pilare moet van silwer wees.
So moet daar ook aan die noordekant in die lengte, behangsels wees, honderd el lank; daarby twintig pilare met hulle twintig kopervoetstukke. Die kramme en die ringe van die pilare moet van silwer wees.
En die breedte van die voorhof, aan die westekant, moet daar behangsels van vyftig el wees; daarby tien pilare en hulle tien voetstukke.
En die breedte van die voorhof, aan die oostekant, teen son-op, vyftig el:
sodat daar vyftien el behangsels vir die een kant is, daarby drie pilare en hulle drie voetstukke;
en vir die ander kant, vyftien el behangsels, daarby drie pilare en hulle drie voetstukke;
en vir die poort van die voorhof 'n bedekking van twintig el, van pers, purperrooi en bloedrooi stowwe en fyn dubbeldraad-linne, veelkleurige werk; daarby vier pilare en hulle vier voetstukke.
Al die pilare van die voorhof moet rondom met silwerringe voorsien wees; hulle kramme moet van silwer wees en hulle voetsukke van koper.
Die lengte van die voorhof moet honderd el wees en die breedte orals vyftig en die hoogte vyf el, van fyn dubbeldraad-linne, daarby voetstukke van koper.
Aangande al die gereedskap van die tabernakel, en sy hele bewerking, en al sy penne en al die penne van die voorhof, hulle moet van koper wees.
En jý moet die kinders van Israel beveel dat hulle vir jou suiwer, uitgestampte olyf-olie vir die kandelaar bring, om gedurigdeur 'n brandende lamp te hê.
In die tent van saamekoms, buitekant die voorhangsel wat voor die Getuienis is, moet Aäron en sy seuns dit reg maak om te brand van die aand tot die môre voor die aangesig van die HERE. Dit sal 'n ewige insetting wees in hulle geslagte, van die kant van die kinders van Israel.