Afrikaans-1933/4/16

En Korag, die seun van Jishar, die seun van Kohat, die seun van Levi, saam met Datan en Abíram, seuns van Elíab, en On, die seun van Pelet, die seun van Ruben, het manne geneem,
en hulle het opgestaan voor die oë van Moses saam met twee honderd en vyftig man uit die kinders van Israel, owerstes van die vergadering, maane wat opgeroep was vir die volksvergadering, manne van naam.
En hulle het bymekaar gekom teen Moses en Aäron en vir hulle gesê: Dit is nou genoeg; want die hele vergadering, hulle almal, is heilig, en die HERE is onder hulle! Waarom verhef julle jul dan oor die vergadering van die HERE?
Toe Moses dit hoor, het hy op sy gesig geval;
en hy het met Korag en sy hele bende gespreek en gesê: Môre vroeg, dan sal die HERE bekend maak wie Hom toebehoort en wie die heilig is, en wie Hy na Hom laat naderkom: wie Hy uitkies, sal Hy na Hom laat naderkom.
Doen dit: Neem vir julle vuurpanne, Korag en sy hele bende.
gooi daar môre vuur en sit daar reukwerk op voor die aangesig van die HERE; dan sal die man wat die HERE uitkies, die heilige wees. Dit is nou genoeg, kinders van Levi.
Verder het Moses vir Korag gesê: Luister tog, kinders van Levi!
Is dit nie genoeg dat die God van Israel julle uit die vergadering van Israel afgeskei het om julle na Hom te laat naderkom, om die dienswerk van die HERE se tabernakel te verrig en te staan voor die vergadering om hulle te dien nie?
en Hy jou laat naderkom het en al jou broers, die kinders van Levi, saam met jou-dat julle nou ook die priesteramp begeer?
Daarom, jy en jou hele bende is mense wat teen die HERE vergader; want Aäron, wat si hy, dat julle teen hom murmureer?
En Moses het gestuur om Datan en Abíram, die seuns van Elíab, te laat roep; maar hulle het gesê: Ons sal nie opkom nie.
Is dit nie genoeg dat jy ons uit ʼn land wat oorloop van melk en heuning opgebring het om ons in die woestyn dood te maak, dat jy ook gedurig oor ons die baas wil speel nie?
Ook het jy ons nie gebring in ʼn land wat oorloop van melk en heuning en erfdeel gegee nie. Wil jy ook die oë van hierdie manne uitgrawe? Ons sal nie opkom.
Toe het Moses baie kwaad geword, en hy het vir die HERE gesê: Sien hulle offer nie aan nie. Ek het nie een esel van hulle geneem en nie een van hulle kwaad aangedoen nie.
Verder het Moses vir Korag gesê: Jy en jou hele bende, sorg dat julle môre voor die aangesig van die HERE is, jy en hulle en Aäron.
En neem julle elkeen sy vuurpan en gooi daar reukwerk op, en bring voor die aangesig van die HERE elkeen sy vuurpan, twee honderd en vyftig vuurpanne, ook jy en Aäron elkeen sy vuurpan.
Toe het hulle elkeen sy vuurpan geneem en daar vuur op gegooi en reukwerk op gesit; en hulle het gaan staan by die ingang van die tent van samekoms, ook Moses en Aäron.
En Korag het die hele vergadering teen hulle bymekaar laat kom by die ingang van die tent van samekoms. Toe verskyn die heerlikheid van die HERE aan die hele vergadering.
En die HERE het met Moses en Aäron gespreek en gesê:
Skei julle af van hierdie vergadering, en Ek sal hulle in ʼn oomblik verteer.
Maar hulle het op hul aangesig geval en gesê: o God, God van die geeste van alle vlees! Sal een man sondig, en U op die hele vergadering toornig word?
En die HERE het met Moses gespreek en gesê:
Spreek met die vergadering en sê: Maak dat julle wegkom rondom die woning van Korag, Datan en Abíram!
Toe het Moses opgestaan en na Datan en Abíram gegaan, en die oudstes van Israel het agter hom aan gegaan.
Daarop het hy die vergadering toegespreek en gesê: Verwyder julle tog van hierdie tente van hierdie goddelose manne en raak nie aan iets wat aan hulle behoort nie, dat julle nie weens al hulle sondes.
En hulle het gemaak dat hulle wegkom rondom die woning van Korag, Datan en Abíram; maar Datan en Abíram het uitgekom en gaan staan by die deur van hulle tente saam met hulle vroue en seuns en kindertjies.
Toe sê Moses: Hieraan sal julle weet dat die HERE my gestuur het om al hierdie werke doen, dat hulle nie uit my eie hart is nie:
As hierdie mense sterwe soos alle mense sterwe en met die besoeking van alle mense besoek word, dan het die HERE my nie gestuur nie.
Maar as die HERE iets nuuts skep en die grond sy mond oopmaak en hulle verslind met alles wat aan hulle behoort, en hulle lewendig na die doderyk afdaal, dan sal julle weet dat hierdie manne die HERE verag het.
En toe hy al hierdie woorde klaar gespreek het, skeur die grond wat onder hulle was,
en die aarde het sy mond oopgemaak en hulle verslind saam met hul huisgesinne en al die mense wat aan Korag behoort het en al die goed.
So het hulle dan met alles wat hullle sʼn was, lewendig na die doderyk afgedaal; en die aarde het hulle oordek, en hulle het omgekom uit die vergadering.
En die hele Israel wat rondom hulle was, het gevlug die hulle geroep want hulle het gesê: Dalk verslind die aarde ons!
Toe het ʼn vuur van die HERE uitgegaan en die twee honderd en vyftig man verteer wat die reukwerk gebring het.
En die HERE het met Moses gespreek en gesê:
Sê vir Eleáser, die seun van die priester Aäron, dat hy die vuurpanne uit die brand wegneem; en strooi die vuur ver weg; want hulle is heilig-
naamlik die vuurpanne van die wat gesondig het ten koste van hulle lewe; en hulle moet daarvan dun plate slaan as ʼn oortreksel vir die altaar. Want hulle het dié voor die aangesig van die HERE gebring-daarom is hulle heilig;; en hulle sal vir die kinders van Israel ʼn teken wees.
Toe het die priester Eleáser die kopervuurpanne geneem wat die mense wat verbrand is, gebring het, en dit is plat geslaan as ʼn oortreksel vir die altaar-
ʼn aandenking vir die kinders van Israel, sodat ʼn onbevoegde wat nie uit die nageslag van Aäron is nie, nie sal naderkom om reukwerk voor die aangesig van die HERE aan die brand te steek nie; sodat hy nie word soos Korag en sy bende nie, soos die HERE vir hom deur Moses gesê het.
Maar die volgende dag het die hele vergadering van die kinders van Israel teen Moses en Aäron gemurmureer en gesê: Júlle het die volk van die HERE doodgemaak.
En terwyl die vergadering teen Moses en Aäron bymekaarkom, het hulle hul na die tent van samekoms gedraai, en meteens het die wolk dit oordek en die heerlikheid van die HERE het verskyn.
En toe Moses en Aäron tot voor die tent van samekoms kom,
het die HERE met Moses gespreek en gesê:
Trek julle terug uit hierdie vergadering, dat Ek hulle in ʼn oomblik kan verteer. Toe val hulle op hul aangesig.
En Moses sê vir Aäron: Neem die vuurpan en gooi vuur van die altaar daarin en lê reukwerk daarop, en bring dit gou na die vergadering en doen versoening vir hulle; want die toorn het van die HERE se aangesig uitgegaan, die plaag het begin!
Toe neem Aäron dit soos Moses gespreek het en hardloop onder die vergadering in, en waarlik, die plaag het al onder die volk begin! En hy het die reukwerk daarop gelê en versoening gedoen vir die volk.
En terwyl hy tussen si dooies en die lewendiges staan, het die plaag opgehou.
En die wat deur die plaag gesterg het, was veertien duisend sewe honderd, buiten die wat gesterf het om Korag se ontwil.
Daarop gaan Aäron na Moses terug by die ingang van die tent van samekoms, en die plaag het opgehou.