Afrikaans-1933/3/4

Verder het die HERE met Moses gespreek en gesê:
Spreek met die kinders van Israel en sê: As iemand in swakheid sondig teen enigiets wat die HERE verbied het, en enigiets daarteen doen;-
as die gesalfde priester sondig, sodat die volk daardeur skuldig word, dan moet hy vir die sonde wat hy gedoen het, 'n jong bul sonder gebrek aan die HERE as sondoffer bring;
en hy moet die bul bring na die ingang van die tent van samekoms, voor die aangesig van die HERE, en moet sy hand op die kop van die bul lê an die bul slag voor die aangesig van die HERE.
Dan moet die gesalfde priester van die bloed van die bul neem en dit in die tent van samekoms bring,
en die priester moet sy vinger in die bloed steek en van die bloed sewemaal sprinkel voor die aangesig van die HERE, voor die voorhangsel van die heiligdom.
Ook moet die priester van die bloed stryk aan die horings van die altaar met die reukwerk van speserye, wat in die tent van samekoms is, voor die aangesig van die HERE; en hy moet al die orige bloed van die bul uitgiet aan die onderkant van die brandofferaltaar wat by die ingang van die tent van samekoms is;
En al die vet van die sondofferbul moet van hom aflig, die vet wat oor die binnegoed lê en al die vet wat aan die binnegoed is.
en die twee niere en die vet daarop wat aan die lende is, en die lap aan die lewer-by die niere moet hy dit wegneem-
soos dit van die dankofferbul afgelig word-en die priester voet dit aan die brand steek op die brandofferaltaar.
Maar op die vel van die bul en al sy vleis met die kop en die pote en die binnegoed en die mis-
die hele bul moet hy buitekant die laer uitbring op 'n rein plek waar die as uitgegooi word, en hy moet hom op hout met vuur verbrand; op die plek waar die as uitgegooi word, moet hy verbrand word.
En as die hele vergadering van Israel hulle misgaan sonder dat die vergadering hom daarvan bewus is; en hulle iets doen wat die HERE verbied het, en skuldig word;
en die sonde wat hulle so gedoen het, bekend word, dan moet die vergadering 'n jong bul as sondoffer laat aankom en hom voor die tent van samekoms bring,
en die oudstes van die vergadering moet hulle hande op die kop van die bul lê voor die aangesig van die HERE,  en die bul moet voor die aangesig van die HERE geslag word.
Dan meot die gesalfde priester van die bloed van die bul in die tent van samekoms bring,
en die priester moet sy vinger in die bloed steek en sewemal voor die aangesig van die HERE, voor die voorhangsel sprinkel.
En hy moet van die bloed stryk aan die horings van die altaar wat in die tent van samekoms voor die aangesig van die HERE is;
en hy meot al die vet van hom aflig en op die altaar aan die brand steek
en met die bul doen soos hy met die sondoffer bul gedoen het. So moet hy met hom maak, en die priester moet vir hulle versoening doen, en dit sal hulle vergewe word.
Daarna meot hy die bul buitekant die laer bring en hom verbrand soos hy die eerste bul verbrand het; dit is 'n sondoffer van die vergadering.
As 'n owerste sondig en in swakheid enigiets doen wat die Here sy God verbied het, en hy skuldig word;
of as sy sonde wat hy so gedoen het, aan hom bekend word, dan meot hy as sy offer bring 'n bok sonder gebrek, 'n ram;
en hy moet sy hand op die kop van die bok lê en hom slag op die plak waar hulle die brandoffer voor die aangesig van die HERE slag; dit is 'n sondoffer.
Dan moet die priester van die bloed van die sondoffer met sy vinger neem en dit aan die horings van die brandofferaltaar stryk; maar die orige bloed moet hy aan die onderkant van die brandofferaltaar uitgiet.
Hy moet ook al die vet op die altaar aan die brand steek soos die vet van die dankoffer. So meot die priester dan vir hom versoening doen weens sy sonde, en dit sal hom vergewe word.
En as iemand van die volk van die land in swakheid sondig, omdat hy enigiets doen wat die HERE verbied het, en hy skuldig word;
of as sy sonde wat hy gedoen het, aan hom bekend word, dan moet hy as sy offer bring 'n bok sonder gebrek, 'n ooi vir die sonde wat hy gedoen het;
en hy moet sy hand op die kop van die sondoffer lê en die sondoffer slag op die plek van die brandoffer.
Dan moet die priester van haar bloed neem en dit aan die horings van die brandofferaltaar stryk;
en al die vet moet hy wegneem soos die vet van die dankoffer weggeneem is, en die priester moet dit op die altaar aan die brand steek as lieflike geur vir die HERE. So meot die priester dan vir hom versoening doen, en dit sal hom vergewe word.
Maar ingeval hy 'n skaaplam as sy sondoffer bring, moet dit 'n ooi wees sonder gebrek wat hy bring;
en hy meot sy hand op die kop van die sondoffer lê en dit as sondoffer slag op die plek waar hulle die brandoffer slag.
Dan moet die priester van die bloed van die sondoffer met sy vinger neem en dit aan die horings van die brandofferaltar stryk, maar al die orige bloed moet hy aan die onderkant van die brandoffer altaar uitgiet;
en al die vet meot hy wegneem soos die vet van die brandofferlam weggeneem word, en die priester moet dit op die altaar van die vuuroffers van die HERE aan die brand steek. So moet die priester dan vir hom versoening doen vor die one wat hy gedoen het, en dit sal hom vergewe word.