getBible/Afrikaans-1933
9
5
Fork 7
Code Issues 2 Pull Requests 1 Releases Wiki Activity

Voeg by Leviticus 2:1-16

Browse Source
This commit is contained in:
Eunice van der Merwe 2022-06-25 13:54:51 +02:00 committed by Gitea
parent 5c1cbd8363
commit cfe9ebe74c
1 changed files with 16 additions and 0 deletions
Show Stats Download Patch File Download Diff File Expand all files Collapse all files

16
3/2 Normal file
View File

@ -0,0 +1,16 @@
En as iemand aan die HERE 'n spysoffer bring, moet sy offer fynmeel wees; en hy moet olie daarop giet en wierook daar byvoeg;
En hy moet dit na die seuns van Aäron, die priesters, bring; en die priester moet daarvan 'n handvol neem, van die fynmeel met die olie, met al die wierook wat daarby behoort; en hy moet die gedenkoffer daarvan op die altaar aan die brand steek, 'n vuuroffer van 'n leiflike geur aan die HERE.
En wat oorbly van die spysoffer is vir Aäron en sy seuns, 'n hooghelige deel van vuuroffers van die die HERE.
En as jy 'n spysoffer bring wat in die oond gebak is, dan moet dit fynmeel wees, ongesuurde koeke met olie gemeng en ongesuurde platkoeke met olie bestryk.
En as 'n spysoffer in die pan klaargemaak jou offer is, dan moet dit fynmeel wees met olie gemeng en ongesuurd.
Breek dit in stukkies en giet olie daarop: dit is 'n spysoffer.
En as 'n spys offer uit die pot jou offer is, dan moet dit van fynmeel met olie berei word.
Dan moet jy die spysoffer wat daarvan berei word, aan die HERE bring, hulle moet na die priester aan bring, en hy moet dit na die altaar dra.
En die priester moet van die spysoffer die gedenkoffer aflig en op die altaar aan die brand steek, 'n vuuroffer van 'n lieflike geur aan die HERE.
En wat oorbly van die spysoffer is vir Aäron en sy seuns, 'n hoogheilige deel van die vuuroffers van die HERE.
Geen spysoffer wat julle aan die HERE bring, mag van iets wat ingesuur is, berei word nie; want van geen suurdeeg of heuning mag julle vir die HERE 'n vuuroffer aan die brand steek nie.
As 'n offer van eerstelinge mag julle dit aan die HERE bring, maar op die altaar mag dit nie as lieflike geur kom nie.
En jy moet al jou spysoffers met sout klaarmaak, en jy mag die sout van die verbond van jou God by jou spysoffer nie laat ontbreek nie; by al jou offers moet jy sout bring.
En as jy aan die HERE 'n spysoffer van eerstelinge bring are wat by die vuur gebraai is, gebreekte korrels van vars graan.
En jy moet olie daarby voeg en wierook daarop strooi; 'n spysoffer is dit.
Dan moet die priester die gedenkoffer daarvan, 'n deel van die gebreekte koring en van die olie met al die wierook, aan die brand steek as 'n vuuroffer aan die HERE.