Afrikaans-1933/2/38

Hy het ook die brandofferaltaar van akasiahout gemaak. Vyf el was sy lengte en vyf al sy breedte, vierkantig, en drie el sy hoogte.
En hy het sy vier horings op die vier hoeke gemaak; sy horings was, daarmee saam, uit een stuk; en hy het dit mt koper oorgetrek.
Hy het ook al die gereedskap van die altaar gemaak: die potte en die skomme en die komme, die vurke en die vuurpanne. Al dié gereedskap het hy van koper gemaak. 
Ook het hy vir die altaar 'n traliewerk gemaak, 'n netwerk van koper, onder sy lys, onderaan tot by die helfte van die altaar.
En hy het vier ringe aan die vier ente van die kopertraliewerk gegiet, as plekke vir die draaghoute.
En hy het die dragghoute van akasiahout gemaak en dit met koper oorgetrek.
En hy het die draaghoute in die ringe gesteek, aan die kante van die altaar, om dit daarmee te dra; hy het dit hol, van planke, gemaak.
Hy het ook die koperwaskom gemaak met sy kopervoetstuk, uit die spieëls an die diensdoende vroue wat by die ingang van die tent van samekoms gedien het.
hy het ook die voorhof gemaak. Aan die suidekant, na die suide toe, was daar die behangsels van die voorhof, van fyn dubbeldraad-linne, honderd el lank;
daarby twintig pilare met hulle twintig kopervoetstukke; die kramme en die pilare van die pilare van silwer;
en aan die noordekant honderd el; daarby twintig pilare met hulle twintig kopervoetstukke; die kramme en die ringe van die pilare van silwer.
En aan die westekant was daar behangsels, vyftig el lank; daarby tien pilare met hulle voetstukke; die kramme en die ringe van die pilare van silwer.
En aan die oostekant, teen sonop, was daar vyftig el;
vyftien el behangsels vir die een kant, daarby tien pilare met hulle drie voetstukke;
en vir die ander kant-aan weerskante van die poort van die voorhof-vyftien el behangsels, daarby drie pilare met hulle drie voetstukke.
Al die behangsels van die voorhof rondom was van fyn dubbeldraad-linne;
en die voetstukke van die pilare was van koper, en die kramme en die ringe van die pilare van silwer; en die oortreksel van hulle toppe van silwer; en hulle self, al die pilare van die voorhof, was met silwerringe voorsien.
En die beddeking van die poort van die voorhof was veelkleurige werk, van pers en purperrooi en bloedrooi stowwe en fyn dubbeldraad-linne: twintig el was die lengte, en die hoogte-volgens die breedte van diestof-vyf el, net soos die behangsels van die voorhof.
Daarby vier pilare met hulle vier voetstukke van koper; en hulle kramme van silwer, en die oortreksel van hulle toppe en hulel ringe van silwer.
En al die penne vir die tabernakel en die voorhof rondom was van koper.
Dit was die berekening van die koste van die tabernakel, van die tabernakel van die Getuienis, soos die bereken is op bevel van Moses, deur die diens van die Leviete, onder leiding van Ítamaar, die seun van die priester Aäron.
En Besáleël, die seun van Uri, die seun van Hur, van die stam van Juda, het alles gemaak wat die HERE Moese beveel het.
En saam met Ohόliab, die seun van Ahísamag, van die stam van Dan, 'n ambagsman en kunstenaar en kunswewer in pers en purperrooi en bloedrooi stowwe en in fyn linne.
Al die goud wat vir die werk gebruik is, by al die werk van die heiligdom-die goud wat as offer aangebied was, het bedra negen-en-twintig talente van sewe honderd en dertig sikkels volgens die sikkel van die heiligdom.
En die silwe van die geteldes van die vergadering was honderd talente en duisend sewe honderd vyf en sewentig sikkels volgens die sikkel van die heiligdom;
'n beka vir elke persoon, dit is 'n halwe sikkel volgens die sikkel van die heiligdom, van elkeen wat oorgegaan het na die geteldes, van twintig jaar oud en daarbo, naamlik ses honderd en drie duisend vyf honderd en vyftig man.
En die honderd talente silwer het gedien om die voetstukke van die heiligdom en die voetstukke van dei voorhangsel gegiet; honderd voetstukke vir honderd talente, 'n talent vir 'n voetstuk.
Maat van die duisend sewe honderd vyf en sewentig sikkels het sy kramme vir die pilare gemaak, en hy het hulle toppe oorgetrek en hulle met ringe voorsien.
En die koper wat as offer aangebied was, het bedra sewentig talente en twee duisend vier honderd sikkels.
En hy het daaruit die voetstukke van die ingang van die tent van samekoms gemaak  en die koperaltaar en sy kopertraliewerk en al die gereedskap van die altaar;
en die voetstukke van die voorhof romdom en die voetstukke van die poort  van die voorhof en al die penne van die tabernakel; ook al die penne van die voorhof rondom.