Voeg by Job 36:1-15

18/36

@@ -0,0 +1,15 @@
+En Elíhu het voortgegaan en gesê:
+Wag 'n bietjie op my, en ek sal u inlig; want daar is nog genoeg te sê tot die eer van God.
+Ek sal my kennis van ver af ophaal en aan my Skepper reg verskaf.
+Want waarlik, my woorde is geen leuens nie; een wat volkome is in kennis, is by u.
+Kyk, God is geweldig, nogtans ag Hy niks gering nie - geweldig deur krag van verstand.
+Hy laat die goddelose nie lewe nie, maar aan die ellendiges verskaf Hy reg.
+Hy trek sy oë nie af van die regverdige nie, maar by konings op die troon laat Hy hulle sit vir altyd, sodat hulle verhoog is.
+Maar as hulle in ketting geklink is, gevang word in bande van ellende,
+dan gee Hy aan hulle hul dade te kenne en hul oortredinge, dat hul gedrag hoogmoedig was;
+dan open Hy hulle oor vir die tugtiging en sê dat hulle moet terugkeer van ongeregtigheid.
+As hulle luister en Hom dien, dan bring hulle hul dade deur in voorspoet en hul jare in aangenaamheid.
+Maar as hulle nie luister nie, dan kom hulle om deur die spies, en hulle blaas die asem uit sonder kennis.
+Maar die goddelose van hart koester nyd; hulle roep nie om hulp as Hy hulle bind nie.
+So sterwe dan hulle siel in die jeug en hulle lewe soos dié van skandseuns.
+Hy red die ellendige deur sy ellende en open hulle oor deur verdrukking.